Amissimondoveneto Maggio 2015 - news

05/05/2015 - Maggio 2015 - news

Maggio 2015

Cari amissimondoveneto, ciaoooo

finalmente dopo tanto tempo se risentimo voría dire… “co novità”

ma, quée za le saví vardando la televisión,

lesendo i giornai,

e tute le reti sociai

che impiena ´l resto dea tera:

Guere, vulcani, taramoti, morti, fame, lavoro, crisi

e chi pí ghen´ha, pí ghin meta.

E la vita continua.

Continua col so sóito tran tran come se gnente sucedesse.

Ognuno pensando par sé stesso e par la so famejia,

e… a chi che ghe toca, ghe toca, sensa farse maravejia!

Amissimondoveneto, anca se sparsi in tuto ´l mondo,

voría tanto invitarve a fare una riflessión

ma no vuio fare nessuna predica

cussí ve dago calche informassión

sui movimenti de sti ultimi tempi presso a nostra associassión.

- Dó sará i avenimenti poetici che gavemo pronti pa´l 30 de Magio:

          * El premio internasionae EL SIL, che trovaré el Verbae intel nostro Sito,

          * e, novo par nialtri, el Premio LA RONDINE de Rovereto in Trento

- In pí ne zé rivá ´n concentrá de poesía dea Silvana Dal Cero: Luci e Ombre

- Un novo capíteo de “Valentin Minto”, de Paolo Simionato

- Invesse l´inmancábie Alfredo Vitulo, da Sint Niklaas in Belgio, ne ricorda co´n paro de poesie

- Altretanto fa la nostra nona Agnese Girlanda co ´na poesía dedicá so Bupá

- e na nova amiga Francesca Borso co: Scriver poesie…

- Italo Bonassi, de Rovereto, tuto fare del Grupo de Poesia 83, anca lú novo al nostro grupo

   ne manda la so brava coeaborassión.

- E par finire ancó in alegría

          *  el grupo teatrae de putei sloveni dea comunitá italiana de Isola d´Istria

                    ne fa proprio sganassare co la so sceneta “Tuta colpa del papagáeo”

 https://www.youtube.com/watch?v=QZ0nJ04o-zE

Ricordemo anca volentieri ´l 70° Aniversario dea fondassión del Scautismo a Cittadella

e anca ´l 70° dea liberassión del campo de concentramento de Dachau e dea fine dea 2°. guera.

** *

A ve asso co´n abrasso e un strucón

e na paca so ´n spáea,

Roberto, amissimondoveneto

Se non visualizzi correttamente la newsletter clicca http://www.s2contact.com/zaniolo/view_newsletter.php?itemid=589
Puoi richiedere la rimozione dalla lista inviando una e-mail a amissi-mondo-veneto@hotmail.it.